Showing posts with label ప్రపంచ తల గాయాల ప్రమాదాల అవగాహన దినము. Show all posts
Showing posts with label ప్రపంచ తల గాయాల ప్రమాదాల అవగాహన దినము. Show all posts

Wednesday, April 20, 2011

World Head injury Awareness Day , ప్రపంచ తల గాయాల ప్రమాదాల అవగాహన దినము



గత చరిత్ర ను , మన పూర్వీకుల అనుభవాలను నెమరువేసుకుంటూ ఆనందం గా జీవితం గడపడానికే ఉత్సవాలు చేస్తూ ఉంటాము . సమాజానికి ఒక నిర్ధేశిత సందేశము ఇవ్వడానికి దినోత్సవాలు చేస్తూఉంటాం . సాంప్రదాయాలను కాపాడుకోవడం కోసం పండుగలు చేస్తాము . ఏది చేసినా ఎక్కడ చేసినా ప్రపంచ మానవాలి శ్రేయస్సు కోసమే నిర్ధేశించబడుతుంది .పుట్టిన రోజు, పెళ్లి రోజు, అమ్మల రోజు, నాన్నల రోజు మరియు ప్రేమికుల రోజు. ఈ రోజుల్లో మనం ప్రత్యేకంగా వారి గురించి అలోచించి, వాళ్ళను కొనియాడి, మన బాధ్యతను గుర్తు చేసుకొంటాము. మరి ఈరోజు (.మార్చి 20 న .) World Head injury Awareness Day గురించి అలోచించి మన బాధ్యతలేమిటో తెలుసుకుందాము

ద్విచక్ర వాహనాలు నడిపేటప్పుడు హెల్మెట్ తప్పక ధరించండి , కారు నడిపేటప్పుడు సీటుబెల్ట్ తప్పక పెట్టుకోండి . ఇది ప్రతి రోడ్ సిగ్నల్ దగ్గర మైక్ లో చెప్పే విషయాలు . కాని దీనిని పట్టించుకునే వారి సంఖ్య బహు తక్కువ . ఫలితమే రోడ్డు ప్రమాదాలు .. అందునా ద్విచక్ర వాహనాలు ప్రమాదానికి గురైనప్పుడు తలబాగానికి గాయాలవుతాయి.
శరీరములో మిగిలిన భాగాలకు గాయం తగలడం వేరు , మెదడుకు గాయం అవడం వేరు . మెదడు కీలకమైన భాగము . శరీరములో అన్ని అంగాలూ కీలకమే అయినా ఆ కీలక అంగాలన్నిటినీ నియంత్రించేది మెదడే. కేంద్రీయ నాడీవ్యవస్థలో అతిముఖ్యమైనది మెదడు . అందుకే ఆ మెదడును రక్షించేందుకు చుట్టూ కపాల నిర్మాణము ఉన్నది . అంతటి గట్టి కపాల రక్షణ ఉన్నప్పటికీ మెదడు కి దెబ్బలు తగులుతునే ఉంటాయి. తలకు గాయాలై ఆస్పత్రి పాలయ్యేవారి సంఖ్య అమెరికాలో ప్రతియేటా 14 లక్షల వరకు ఉంటుంది . అందులొ దాదాపు 50 వేలమంది కోలుకోలేక మరణిస్తారు . ఒకవేల కోకుకున్నా ఏదో ఒక అంగవైకల్యముతో జీవితం గడిపేవారు సుమారు 3-4 లక్షలమంది ఉంటారు . ఇక ప్రపంచ వ్యాప్తం గా చూసినపుడు తలకు గాయాలవుతున్నవారి సంఖ్య ఎంత ఎక్కువగా ఉంటుందో ఊహించుకోవచ్చు . కాబట్టి తలకు ఉన్న ప్రాముఖ్యత , దానికి గాయం అవకుండా కాపాడుకోవలసిన అవశ్యకత అన్ని వయసులవారు తెలుసుకోవాలి . ఈ విషయము ప్రజలందరికీ తెలియజెప్పి ... మీ తలను జాగ్రత్తగా కాపాడుకోండి ... తలకు గాయం తో శాశ్విత వైకల్యము పొందకండి అనే సందేశముతో తలకు గాయాలు అనే అంశం పై ప్రపంచ పజలందరికీ అవగాహన కల్పించే లక్ష్యముతో ప్రతియేటా " మార్చి 20 వ తేదీన " - " వరల్డ్ హెడ్ ఇన్‌జురీ ఎవేర్నెస్ డే " గా జరుపుకుంటారు .

అప్రమత్తత :
తలకు గాయం ఏ వయసు వారికయినా అవ్వవచ్చు . పసిపిల్లలను ఉయాలలోనుండి పడినా , పసిపిల్లలు పడుమునే మంచము కోడు కి తల తగిలినా . . మంచం మీదనుండి కిందకి పడినా తలకు దెబ్బ తప్పక తగులు తుంది . ఆటలు ఆడుకునే వయసు లో పిల్లలకు తలకు గాయాలయ్యే ప్రమాదము ఎక్కువ . అపార్ట్ మెంట్ బాలకనీ సరియైన రక్షణ లేనపుడు పడిపోయే ప్రమాదము , ఇంటి మెట్లు కి గ్రిళ్ లేనపుడు పడిపోయే ప్రమాదము వల్ల తలకు గాయాలవుతాయి . స్కూల్ పిల్లలు ఒకరినొకరు నెట్టుకోవడం వల్ల , పొరపాటున స్కూల్ లో బల్లకో , గోడకో , బ్లాక్ బోర్డ్ కో తల తగిలి గాయాలవవచ్చును . ఆటలలో బంతో , బ్యాట్ తోనో , కాలేజీ స్టూడెంట్స్ ఘర్షణలవల్ల నో , గచ్చు పై జారి పడి నేలకు తలతగలడం వల్లనో , నీరసము వల్ల , బి.పి.వల్ల కళ్ళు తిరిగి పడినపుడు తలకు గాయమడం ... ఇలా ఎన్నోకారణాలు వలన తగిలే గాయాలు ఒక వంతు అయితే ... ప్రయాణాలలో వాహనాలు ప్రమాదాలు వలన గాయాలు అవడం ఇంకోవంతు ... ప్రమాదకరమైనది .

మెదడు బద్రం :
మెదడులోని ఏదో ఒకబాగము దెబ్బ తింటే ఆ భాగము శరీరం లోని ఏ ప్రాంతాన్ని నియంత్రిస్తుందో ఆ భాగము దెబ్బతింటుంది . ఫలితముగా
  • మాటలో స్పస్టత కోల్పోవచ్చు ,
  • అడుగులు వేయడం లో ఇబ్బంది యేర్పడవచ్చును ,
  • జ్ఞాపక శక్తి ని కోల్పోవచ్చును ,
  • కంటిచూపు మందగించవచ్చును ,
  • మనిషి వ్యక్తిత్వము లో మార్పులు రావచ్చు ,
  • పిచ్చెక్కినట్లు ప్రవర్తించవచ్చు ,
  • స్ప్రుహ కోల్పోవచ్చు ,
  • కోమాలోనికి జారుకోవచ్చు .
మెదడుకి దెబ్బవల్ల కేవలం బ్రతికివుండి , ఏపనీ చేయలేక మంచం లో శాశ్వితం గా పడి వుండాల్సిన పరిస్థితి రావచ్చు . ఇటువంటి వారినే " బ్రెయిన్‌ డెడ్ " గా వ్యవహరిస్తారు .

రోడ్డు ప్రమాదాల నివారణకు ప్రాధమికంగా కావలసిన జాగ్రత్తలు :
  • ప్రయాణము లో అప్రమత్తం గా ఉండడము ,
  • ప్రయాణము లో హడావిడి తగదు ,
  • మరుసటి నాటి ఉదయము సుదీర్ఘ ప్రయాణము అవసరము అనుకున్నాప్పుడు రాత్రి నిద్ర చాలినంత పోవాలి ,
  • వెళ్ళేముందు ఏదోఒకటి తినాలి .. ఆకలి తో డ్రైవింగ్ చేయకూడదు .
  • మెలకువగా ఉండాలంటే బాగా కెఫైన్‌ గల పానీయాలు అవసరమని భావించకూడదు .. వాటి ప్రభావము తగ్గినంతనే నిద్రలోకి నెట్టెస్తాయి .
  • డ్రైవింగ్ లో అప్రమత్తం గా ఉండాలి , మనసు ఎక్కడో విహరించకూడదు .
  • ప్రతి రెండు గంటలకు ఒకసారి విరామము అవసరము . తూలుతున్నట్లు అనిపిస్తే ఏదో కాస్త తిని అవసరమనుకుంటే కొద్దిసేపు నిద్ర పోవాలి .
  • దూరప్రయాలలో ఇంకొకరి సహాయము తో డ్రైవింగ్ షేర్ చేసుకుంటే మంచిది .
  • సరి అయిన సిగ్నల్స్ లేనిదే వాహనాలను క్రాస్ చేయరాదు , ఓవర్ టేక్ చేయరాదు .
  • డ్రైవింగ్ చేస్తూ సెల్ ఫోన్‌ లో మాట్లాడడము మంచిది కాదు .
  • డ్రైవింగ్ సమయములో ముందు ఆల్కహాల్ తీసుకోకూడదు ... మత్తులో పడి ప్రమాదాలు జరుగుతాయి .
  • వాతావరణము అనుకూలము గా లేనప్పుడు తక్కువ స్పీడ్ లో ప్రయాణించాలి .
  • బయలు దే్రే ముందు వాహనము కండిషన్‌ లో వున్నది లేనిదీ తనికీ చేయించుకోవాలి ,
  • ట్రాఫిక్ నిబందనలు , ట్రాఫిల్ సిగ్నల్స్ తూచా తప్పకుండా పాటించాలి .
తలకు గాయాలవకుండా మనవంతు జాగ్రతాలు చేపట్టాలన్నదే ఈ దినోత్సవం లక్ష్యము .

  • మూలము : వికీపెడియా లో ఇంగ్లిష్ వ్యాసము అనువాదము .



=========================================
Visit My Website - > Dr.seshagirirao.com/